Ommaviy oferta

Tahrir sanasi: 28.10.2026

Ushbu hujjat YaTT Tolipov Gulmurod Dilmurod o‘g‘li (keyingi o‘rinlarda — «Ijrochi») tomonidan invitate.uz sayti orqali elektron taklifnoma yaratish xizmatini ko‘rsatish bo‘yicha ommaviy taklif (oferta) hisoblanadi. O‘zbekiston Respublikasi Fuqarolik kodeksining 367-moddasiga muvofiq, quyidagi shartlar qabul qilinganda shartnoma tuzilgan hisoblanadi.

1. Atamalar

  1. 1.1Sayt — https://invitate.uz veb-sayti va uning shaxsiy kabineti.
  2. 1.2Buyurtmachi — saytda ro‘yxatdan o‘tgan va xizmatga buyurtma bergan har qanday jismoniy yoki yuridik shaxs.
  3. 1.3Taklifnoma — Buyurtmachi tanlagan shablon va kiritgan ma’lumotlar asosida yaratiladigan, alohida havola orqali ochiladigan elektron taklifnoma (veb-sahifa).
  4. 1.4Aksept — Buyurtmachining saytda to‘lovni amalga oshirishi.

2. Shartnoma predmeti

  1. 2.1Ijrochi Buyurtmachiga tanlangan shablon asosida elektron taklifnoma yaratish, uni internetda joylashtirish va mehmonlar javoblarini (RSVP) yig‘ish imkoniyatini taqdim etadi.
  2. 2.2Buyurtmachi xizmat uchun saytda ko‘rsatilgan narxni to‘laydi.

3. Ofertani qabul qilish

  1. 3.1To‘lov tugmasini bosib, to‘lovni amalga oshirish ushbu oferta shartlarini to‘liq va so‘zsiz qabul qilishni anglatadi.
  2. 3.2Shartnoma to‘lov Ijrochi tomonidan qabul qilingan paytdan boshlab tuzilgan hisoblanadi.

4. Narx va to‘lov tartibi

  1. 4.1Xizmat narxi har bir shablon uchun saytda so‘mda ko‘rsatiladi. Chegirma bo‘lsa, to‘lov sahifasida chegirmali narx ko‘rsatiladi.
  2. 4.2To‘lov Click, Payme to‘lov tizimlari orqali yoki Ijrochining bank kartasiga o‘tkazma orqali amalga oshiriladi.
  3. 4.3Onlayn to‘lovda xizmat to‘lov tasdiqlangan zahoti avtomatik ko‘rsatiladi. Kartaga o‘tkazmada to‘lov Ijrochi tomonidan tekshirilgach (odatda 1–2 soat ichida) tasdiqlanadi.
  4. 4.4To‘lov uchun elektron chek O‘zbekiston Respublikasi qonunchiligiga muvofiq beriladi.

5. Xizmat ko‘rsatish tartibi

  1. 5.1Buyurtmachi saytda shablonni tanlaydi, ma’lumotlarni (ismlar, sana, manzil, rasmlar va boshqalar) kiritadi va oldindan ko‘rib chiqadi.
  2. 5.2To‘lov tasdiqlangach, taklifnoma uchun alohida havola yaratiladi va Buyurtmachiga taqdim etiladi. Shu paytdan xizmat ko‘rsatilgan hisoblanadi.
  3. 5.3Taklifnoma tadbir sanasidan keyin kamida 3 (uch) oy davomida havola orqali ochiq turadi. Shundan so‘ng Ijrochi taklifnomani arxivlashi mumkin.

6. Tomonlarning majburiyatlari

  1. 6.1Ijrochi saytning ishlashini ta’minlaydi, texnik nosozliklarni imkon qadar tez bartaraf etadi va Buyurtmachining savollariga javob beradi.
  2. 6.2Buyurtmachi to‘lovdan oldin kiritilgan ma’lumotlarni diqqat bilan tekshiradi va ularning to‘g‘riligi uchun javob beradi.
  3. 6.3Buyurtmachi taklifnomaga uchinchi shaxslarning huquqlarini buzadigan, qonunga zid yoki odob-axloqqa to‘g‘ri kelmaydigan materiallarni joylashtirmaydi. Bunday holatda Ijrochi taklifnomani bloklash huquqiga ega.

7. Pulni qaytarish

  1. 7.1Taklifnoma to‘lovdan so‘ng darhol yaratiladi va Buyurtmachiga taqdim etiladi, shu sababli xizmat ko‘rsatilgandan keyin to‘langan mablag‘ qaytarilmaydi.
  2. 7.2Agar to‘lov amalga oshirilgan bo‘lsa-yu, texnik xato sababli taklifnoma ochilmagan yoki xizmat ko‘rsatilmagan bo‘lsa, Ijrochi xizmatni ko‘rsatadi yoki Buyurtmachining murojaatiga ko‘ra mablag‘ni to‘liq qaytaradi.
  3. 7.3Mablag‘ ikki marta yechilgan holatda ortiqcha summa to‘liq qaytariladi.
  4. 7.4Qaytarish bo‘yicha murojaat quyida ko‘rsatilgan aloqa kanallari orqali qabul qilinadi va 10 ish kuni ichida ko‘rib chiqiladi. Mablag‘ to‘lov amalga oshirilgan usul orqali qaytariladi.

8. Shaxsiy ma’lumotlar

  1. 8.1Ijrochi Buyurtmachi va uning mehmonlari kiritgan ma’lumotlarni faqat xizmat ko‘rsatish maqsadida ishlatadi va uchinchi shaxslarga bermaydi (qonunda belgilangan hollar bundan mustasno).
  2. 8.2Bank kartasi ma’lumotlari Ijrochi tomonidan saqlanmaydi — to‘lov to‘g‘ridan-to‘g‘ri Click va Payme tizimlarida amalga oshiriladi.

9. Javobgarlik

  1. 9.1Ijrochi internet-provayderlar, to‘lov tizimlari yoki boshqa uchinchi shaxslarning nosozliklari sababli yuzaga kelgan uzilishlar uchun javobgar emas.
  2. 9.2Nizolar muzokaralar yo‘li bilan hal qilinadi, kelishuvga erishilmasa — O‘zbekiston Respublikasi qonunchiligiga muvofiq sud tartibida.

10. Yakuniy qoidalar

  1. 10.1Ijrochi oferta shartlarini o‘zgartirish huquqiga ega. O‘zgarishlar saytda e’lon qilingan kundan kuchga kiradi va avval tuzilgan shartnomalarga ta’sir qilmaydi.

Ijrochi rekvizitlari

Ijrochi
YaTT TOLIPOV GULMUROD DILMUROD O‘G‘LI
STIR
589829679
Manzil
Toshkent shahri, Yunusobod tumani
Hisob raqami
20218000607559588001
Bank
АКБ "Капиталбанк"
MFO
01158
Aloqa
+998 94 448 53 98tolipovgulmurod@gmail.comt.me/invitate_uz